Evaporativ soyutma sistemi, su ilə hava arasındakı istilik və kütlə ötürülməsi yolu ilə baş verən təbii bir soyutma üsuludur. Uyğun şəraitdə su havayla təmas etdirilir; su gizli istiliyi havadan alaraq buxarlanır və bu yolla soyutma effekti təmin olunur.

Soyutma sistemində proses adyabatikdir; soyutma zamanı havanın entalpisi və yaş termometr temperaturu sabit qalır. Soyudulacaq havanın quru termometr temperaturu və nisbi rütubəti aparılacaq soyutmanın miqdarını müəyyən edir.

Media (Petekli) tipli evaporativ soyutma sistemlərində suyun maksimum səviyyədə buxarlanması gözlənilir və giriş hava temperaturunun yaş termometr temperaturuna mümkün qədər yaxınlaşdırılması məqsəd qoyulur. Su və havanın uyğun zamanda və maksimum səviyyədə təması əsas prinsiplərdən biridir. Bu məqsədlə istifadə olunan evaporativ soyutma petekləri xüsusi səth geometriyası və materialı ilə suyun geniş sahədə sürətlə buxarlanmasını təmin edir.

Proses, soyutma modullarının dam çərçivə hissəsinə dövriyyə nasosu/nasosları vasitəsilə su verilməsi ilə başlayır.

Qidalanma suyu xüsusi mexanizm vasitəsilə soyutma modullarının üst hissəsindən modul içində yerləşən evaporativ soyutma peteklərinə paylanır. Petek səthində aşağıya doğru hərəkət edən suyun bir hissəsi petekdən keçən havayla təmas edərək buxarlanır və havaya qarışır. Prosesin sonunda giriş havası soyuyur və nisbi rütubəti artır. Petek səthində qalan suyun digər hissəsi su çəninə çatır; səviyyə, keçiricilik, blöf və digər bir sıra proseslər vasitəsilə nəzarət edildikdən sonra proses eyni qaydada davam edir.